Поврзи се со нас

Рецепти

Туршија- кралицата на есента и кисело уживање

Објавено

на

Сигурно многупати сте слушнале колку е здраво да се конзумираат ферментирани намирници, настанати со природно вриење. Тие содржат пробиотички култури, кои се состојат од многу врсти корисни бактерии. Добрите бактерии се населуваат во нашите црева и ја создаваат цревната микрофлора.

Септемвриските денови домаќинките ги посветуваат на подготовка на зимниците, а туршијата е неизоставен дел. За подготовка на туршија е многу важно да се одберат задрви, свежи и неоштетени плодови. По ваша желба и ваш вкус, набавете жолти пиперики, зелен домат, краставици, морков и карфиол.

Ја одржува здрава цревната микрофлора

Цревната микрофлора е жив систем, кој се состои од добри и лоши бактерии. Лошите бактерии можат да го надваладеат имунитетот и да создадат големи тегоби. Нарушената рамнотежа на микроорганизмите, постепено може да се подобри со додавање на ферментирани намирници во исхраната. На тој начин, повеќе ќе преовладуваат добрите бактерии, кои ќе ја штитат надворешноста на цревата.

Го забрзува метаболизмот

Ако сакате да изгубите неколку килограми, секако јадете туршија, бидејќи таа го забрзува метаболизмот, лесно се вари, содржи малку калории и ве заситува. Поради големата содржина на влакна, ферментираните намирници го зголемуваат капацитетот за работа на цревата. Ги намалуваат тегобите кај лица кои не поднесуваат лактоза, бидејќи делумно ги разработуваат цревата. Воедно и го ублажуваат синдромот на иритирани црева.

Го регулира крвниот притисок

Ферментираните производи можат да имаат влијание и на крвниот притисок, на тој начин што доколку е премногу висок, тие го смалуваат. Научниците сметаат дека играат улога на спојки, слични на пептидите. Тие спојки се формираат во текот на ферментирањето на намирниците.

Рецепт за подготовка

Состојки:

Зелен домат

Корнишони

Морков

Карфиол

Пиперки

4 главици лук

3 корени од рен

Целер

20 гр. сенф во зрна

400 гр. сол

10 л. вода

Гранка винова лоза

Подготовка:

Количината на зеленчук не е одредена, а можете да искоритите толку зеленчук, колку што ќе собере вашето буре и да одберете зеленчук што го преферирате. Избере здрави плодови, исчистите ги и измијте ги добро. Карфиолот искинете го на крупни делови (цветови), доматот избушете го со вилушка на две – три места, а пиперките засечете ги во вид на крст, на врвот. Разделете ги чешнињата лук, но немојте да ги лупите.

Редете го зеленчукот во буре, така што ставате од се по малку. Посипете го со семките од сенфот и покријте го со листовите од целерот.

Подгответе ја саламурата, која што е најважен дел во правењето на туршија – помешајте 10 л вода и 400 гр сол во сад и мешајте додека не се раствори. Посипете го зеленчукот со готовата саламура, за добро да се покрие.

Направете обрач од гранчето винова лоза и ставете го преку зеленчукот. Оставете ја туршијата три дена и немојте да ја отворате. После три дена преточете ја течноста, еднаш дневено, додека туршијата не биде подготвена.

Туршијата ќе биде готова за две недели.

После тој период, растворете козерванс во саламурата.

 

Сподели ја веста:
Прочитај повеќе
Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement

Огласи за вработување:

Гостиварпред 5 дена

Света архијерејска Василиева литургија во Гостивар со гости од Србија и чин на ракоположување

Гостиварпред 2 недели

Со љубов и почит кон корените – „Танец“ одржа концерт во Гостивар

Гостиварпред 2 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 3 месеци

Ангелчињата во Гостивар го најавија Христовото раѓање-Бадникова поворка 2024

Спортпред 4 месеци

По првиот круг од сезоната КК Гостивар „виси“ на 8-та позиција на табелата

Спортпред 4 месеци

Кехинде од пенал му пресуди на Македонија Ѓорче Петров 1-0

Гостиварпред 7 месеци

Стефановски: Гостивар одличен како домаќин и публика, благодариме од срце!

Спортпред 7 месеци

ФК Гостивар загуби на домашен терен од Силекс 1-2

Гостиварпред 8 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

АНКЕТА:

Дали ќе гласате на претстојните ПРЕТСЕДАТЕЛСКИ и ПАРЛАМЕНТАРНИ ИЗБОРИ 2024?
Advertisement
Advertisement

Популарно изминативе 100 дена