Турска општина донираше униформи за гостиварски Комуналец

Вработените во Јавното претпријатие „Комуналец“ во Гостивар се подновија со униформи, обезбедени преку донација од Турција.

Како што информираше градоначалникот Арбен Таравари се работи за 60 комплети униформи, донација од Општина Ејупсултан, кои им се предадени на вработените.

„Срдечно им благодарам на донаторите за оваа многу потребна донација за овие работници. Општина Гостивар отсекогаш се грижела за вработените во јавните комунални претпријатија и со зголемување на платите на вработените до 25%, како и континуирано обезбедување работна опрема за создавање на подобри услови за работа.“, напиша на фејсбук Таравари.