Уапсен жител на Порој, во џипот што го возел најдени 100 пакувања кокаин, марихуана…

Вчеравечер (12 април) во 23 часот, на паркинг од фирма во тетовското село Порој, полициски службеници од СВР Тетово – Отсек за недозволена трговија со дрога и оружје го лишиле од слобода 31 годишниот А.Б. од ова село.

При преглед во патничкото моторно возило „хамер“, со тетовски регистарски ознаки, кое го управувал, биле пронајдени 100 пакувања различна големина кокаин, девет пакувања марихуана, две дигитални ваги и два мобилни телефона, а при тоа се однесувал агресивно и физички ги нападнал полициските службеници, соопшти СВР.

Тој е задржан во Полициската станица Тетово, неговото возило е одземено за вештачење и по целосно документирање на случајот, на А.Б. ќе му бидат изготвени соодветни поднесоци.