Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!



  • Дата: 14/03/2019 | 10:53

Уапсени се седум лица за автобуската несреќа кај Ласкарци – брзо возење и неисправност на сопирачките главна причина

Седум лица се приведени во врска со кобната автобуската несреќа која се случи на 13 февруари, на автопатот Скопје-Тетово, близу селото Ласкарци, информираше јавното обвинителство на денешната прес конференција.

Меѓу приведените се сопственикот на компанијата Дурмо Турс, раководителот и возачот на автобусот.  „Сопственикот не го организирал автобускиот превоз според прописите, раководењето со возниот парк го препуштил на раководителот кој немал сертификат за тоа, не водел грижа за тахографот (уред кој ја мери брзината на движење). Кај возачот се утврдени пропусти, се движел со недозволена брзина од 99 километри на час.“, рече меѓу другото јавниот обвинител Сашо Рајчев, на прес конференцијата.

Како главна причина за несреќата обвинителството ги посочува недозволената брзина на движење и нецелосната исправност на сопирачките.

Сите приведени во текот на денот ќе бидат изведени пред судија во претходна постапка. За 6 обвинителството ќе бара мерка притвор, а за едно лице мерки на претпазливост.

 

Напишете коментар

Close