Гостивар
Убавини од глина! Керамичка работилница во Гостивар по трет пат
Уметници и љубители на уметноста во Гостивар деновиве имаа можност да учествуваат во керамичка работилница, да ги изучуваат техниките и да изработуваат уметнички дела од глина. Работилницата насловена „Тера арт“, трета година по ред, ја организира гостиварскиот скулптор Џезаир Реџепи, а како инструктор и ментор е ангажирана уметницата Ајлин Донмез од Турција.
„Многу сум задоволен од интересот. Во работилницата, која почна пред неколку дена, се вклучија голем број уметници, но и граѓани кои сакаа да го пробаат овој тип на уметничко творештво.“, рече Реџепи.
Донмез истакна дека среќата за еден ментор е голема кога гледа страст кај посетителите и учесниците да ги совладаат вештините на изработка на предмети од глина.
„Прв пат сум во Македонија, и многу ми се допаѓа. Луѓето овде се многу желни да го научат овој занает и за еден инструктор ова е големо задоволство, бидејќи само така еден занает, останува жив. Не е важно со кој дијалект или јазик комуницирате бидејќи секогаш постои начин да се разбере и научи овој занает.“, рече Донмез.
Една од учесничките на работилницата денес беше и младата Елиза Абдија, гостиварката која светот го гледа, не со очи, туку со своето срце и таа уште во првиот обид успеа да направи прекрасна вазна.
Работилницата Тера арт е поддржана од Министерството за култура и Општина Гостивар.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk