Ученици и наставници од Франција во посета на НП „Маврово“

Тим од Националниот парк „Маврово“ денес беше домаќин на група ученици и наставници од Франција, и од О.У. „Кочо Рацин“ од Куманово.

Гостите имаа можност да уживаат во природните убавини на НП и да се запознаат со карактеристиките на паркот.

„Учениците и наставниците остварија посета на Информативниот туристички центар каде што беа запознаени со основните информации за паркот, потоа ја посетија пештерата Шаркова дупка и заедно со партнерите од Маедонското Еколошко Друштво на терен дознаа за активностите што се изведуваат во рамките на проектот за Заштита на балканскиот рис.“, информираат од НП.

Соработката на француските ученици и наставници со кумановските е остварена во рамки на Ерасмус проектот „Учиме од чудесната природа“.