Nxënës nga shkolla ekonomike në Gostivar në rolin e avokatëve dhe gjyqtarëve

Sot në Shkollën e Mesme Ekonomike në Gostivar u organizua seancë e improvizuar gjyqësore, ku nxënësit kishin rolet e avokatëve dhe gjyqtarëve. Ngjarja e pazakontë është përcjellë nga një delegacion i Komunës së Gostivarit i kryesuar nga kryetari Arben Taravari.

“Sot vizitova SHMKE “Gostivar”, një nga shkollat ​​në të cilën së fundmi është investuar, përkatësisht: lyerja e brendshme e klasave dhe korridoreve, janë vendosur shkallë të reja, është rregulluar kabineti i ri në drejtimin drejtësi, janë siguruar kompjuterë dhe smart -tabela. Me këtë rast, ishte kënaqësi të merrja pjesë në seancën e improvizuar gjyqësore që nxënësit mbajtën në kabinetin e ri, me iniciativën e profesoreshës së tyre Shemsije Demiri. Dëshiroj që këto kushte të krijuara të ndikojnë në përmirësimin e cilësisë së njohurive të nxënësve të kësaj shkolle”, tha kryetari..

Drejtori i shkollës Mihajlo Gjinoski falënderoi për mbështetjen financiare nga komuna për realizimin e ndërhyrjeve për përmirësimin e kushteve të mësimdhënies, duke theksuar se ky lloj i mësimit praktik është shumë i rëndësishëm në avancimin e nxënësve. “Jam i bindur se ky kabinet-gjykatë do të jetë në dobi të nxënësve tanë dhe nga këtu do të dalin shumë jurist, avokatë, gjykatës, noterë etj.”, tha Gjinoski.