Поврзи се со нас

Култура

Ученици од Гостивар изработија новинарска статија на тема „Зошто младите не читаат книги/лектири?“

Деветтоодделенци од гостиварското училиште „Гоце Делчев“ под менторство на наставничката по македонски јазик Ефимија Групчева изработија новинарска статија на тема младите и читачките навики, потенцирајќи го значењето и бенефитите од дружењето со книгата и укажувајќи на проблемот дека младите ги претпочитаат социјалните мрежи пред читањето книги/лектири.

Gostivarpress.mk во продолжение ја објавува статијата, чии автори се учениците: Ѓулфидан Рамадани, Андреја Димитријеска и Димитар Срезоски.

Објавено

на

ЗОШТО МЛАДИ НЕ ЧИТААТ КНИГИ/ЛЕКТИРИ?

Читањето на книгите е најголемото богатство

Низ историјата, читањето книги им служела на луѓето како носители на знаења и искуство.  Книгите се сведоци на историјата и целокупното постоење на човекот и преку нив се пренесува низ континенти и векови.

Навлегувањето длабоко во читањето на книги во текот на целиот живот, духовно го збогатува човекот. Човек кој посветил доволно време на читање книги,можеме да го приметиме и во најкраток разговор, тој се издвојува во однос на неговото изразување, раскажување и размислување. Според спроведени истражувања, млада личност која чита книга брзо се развива како личност и неговиот начи на изразување. Младите кои од детството читаат книги имаат поголема дисциплина и нивниот пристап на случувањата е посвесен и промислен. Чинот на читање е активност која работи на големиот дел од мозокот и тоа е вежба која го усовршува знаењето и интелегенцијата.  Во поширока смисла на зборот читањето е постојан процес во текот на целиот живот и никогаш не излегува од мода. Многу важно е секој млад човек да почне да чита книга од неговите најрани години со тоа ќе може да го спознае доброто од злото, моралното од неморалното. Секое силно општество има светла иднина со млади кои посветуваат повеќе време на читање книги.

Но, денес во 21 век за жал не така. Живееме во модерна технологија и дигитален свет каде младите се поретко се одлучуваат да читаат книги. Младите забораваат како е чувството да се земе книга во рацете. Брзиот живот делува на денешните генерации така да не водат грижа за своето ментално и психичко здравје, не се занимаваат со својот напредок. Повеќе од младите имаат мислење, дека читањето е потполно губење време, здодевно и непотребно. Напротив, тоа е најбитно во развојот на личноста, се зголемува фондот на зборови, но и начинот на изразување на своите чувства и мисли.

Ние како ученици од 9 одделение спроведовме истражување зошто младите се помалку посветуваат време на читање книги. Ние на терен наидовме на следниве причини:

ООУ ГОЦЕ ДЕЛЧЕВ

  • Во градската библиотека ни кажаа дека се помал е бројот на членови кои се зачленети за читање книги речиси за 40 % се намалил бројот од претходните години.
  • IX4-Прв ученик -Јас мислам дека лектирите се читаат се помалку затоа што децата се заразени со технологијата а и родителите не одвојуваат доволновреме на својте деца и мислам дека децата треба да одвојат време да читаат лектири
  • IX2-Прв Ученик-Јас мислам дека децата се помалку читаат лектири затоа што во нив нема современи настани
  • IX1-Прв Ученик-Затоа што децата се презанесени со интернетот и не сакаат да читаат
  • IX3-Прв Ученик-затоа што децата поголем дел од времето го поминуваат на телефон и затоа што мислам дека се досадни
  • VIII1-Прв Ученик-Јас мислам дека не ги читаат лектирите затоа што се досадни и децата се мрзливи
  • VIII2-Прв Ученик-Моето мислење е дека понекогаш содржината на лектирата е досадна, а ние мора да ја читаме
  • VIII3-Прв Ученик-Затоа што децата се мрзливи и не сакаат да читаат, туку да се забавуваат
  • VIII4-Прв Ученик-Јас мислам дека децата се оптоварени со социалните мрежи и помалку се посветени на книгите.

OOУ МУСТАФА КЕМАЛ АТАТУРК

  • Прв Ученик-Моето мислење за не читањето лектири е затоа што децата сакаат да седат на социјални мрежи
  • Втор Ученик-Јас не читам лектири затоа што во моето слободно време преферирам правење нешто друго од лежење и читање
  • Трет Ученик-Намалено образование и намален интерес за училиштата и децата повеќе сакаат да седат на телефони од колку да читаат
  • Професорка Горица Војноска – Се читаат се помалку поради што ги има лектирите раскажно на интернет и половина од децата не сакаат да читаат

Според резултатите од нашите истражување повеќето од учениците(средношколци и основци) читањето книги го сфаќаат како најдосадна активност и дека најмногу се заинтересирани за социјалните медиуми, компјутерските игри. Можеме да видиме, дека младите имаат сериозен недостаток за интерес и мотивација за читање книги.

Ова најитно треба да се промени, доколку сакаме да имаме светла иднина со стабилна младина! Овие се неколку предлози кои мора да се преземат за младите да стекнат навика за читање книги.

  • Напорот на семејство во читање на книги е многу важен. Уште од мали нозе, кога не сме свесни за важноста на ниту едно значајно прашање во нашиот живот, родителите се тие кои не учат колку е битно да се биде писмен и начитан. Родителите да ги насочат младите да ја стекнат ова навика како секојдневие.Одредување на дневни часови за читање со нивните деца, тие ќе го видат чудесниот ефект на заедничкото дејствување врз детето.
  • Училиштата и наставниците/професори да спорведат најразлични натпревари преку кои ќе се даде важност на пишаниот збор во книгите. Најголем акцент да дадат на книгите и учениците кој читаат книги. Да спроведат најразно разни активности за лектирите кои ги образуваат, да ги раскжуваат и да ги објаснуваат, да дадат нивни ставови во врска со она што го прочитале во нив.
  • Дополнително треба да се основаат или развијат поживописни библиотеки со повеќе избори, а на различни видови книги да им се даде доволно простор.
  • Читањето на истаражувачките и научните книги, особено во младоста ќе ја зголеми желбата на младите чии умови и срца се немирни за стекнување знање и учење и сериозно ќе се зголеми нивната мотивација.
  • Воспитувачот кој постојано чита и кој има принцип на доживотно учење и го споделува наученото со своите ученици, им укажува за добротворот кој го добиваат од секојдневото читање книги е одличен пример за неговите ученици. Да им укажат колку е важно да се чита книги, бидејќи тие се побогати со знаење и поуспешни во општеството.
  • Воспитувачот исти така треба да има добро познавање на литература за да може да им препорача соодветни книги на учениците.

 

Нашиот заклучок во однос на читањето книги/ лектири

Читањето на книги е непходност. Тоа е напредок и гледање кон иднината со надеж и развој  во однос на живеењето, учењето и саморазвојот на личноста и збогатувањето на вокабуларот.  Секој млад мора да стекне навика во читањето книги/лектири, само така ќе може да се издвојува од средината во позитивна смисла и ќе сакаме постојано да се надградуваме.

Читањето е незаменлив дел од животот не само на нашата младост, туку секој човек да биде реализиран треба секојдневно да чита книга. Ако нешто човештвото го движи напред со светлосни години, тоа несомнено е едукација, читање и работење.

Сподели ја веста:
Прочитај повеќе
Advertisement
Advertisement
Advertisement

Огласи за вработување:

Гостиварпред 5 дена

Света архијерејска Василиева литургија во Гостивар со гости од Србија и чин на ракоположување

Гостиварпред 2 недели

Со љубов и почит кон корените – „Танец“ одржа концерт во Гостивар

Гостиварпред 2 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 3 месеци

Ангелчињата во Гостивар го најавија Христовото раѓање-Бадникова поворка 2024

Спортпред 4 месеци

По првиот круг од сезоната КК Гостивар „виси“ на 8-та позиција на табелата

Спортпред 4 месеци

Кехинде од пенал му пресуди на Македонија Ѓорче Петров 1-0

Гостиварпред 7 месеци

Стефановски: Гостивар одличен како домаќин и публика, благодариме од срце!

Спортпред 7 месеци

ФК Гостивар загуби на домашен терен од Силекс 1-2

Гостиварпред 8 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

АНКЕТА:

Дали ќе гласате на претстојните ПРЕТСЕДАТЕЛСКИ и ПАРЛАМЕНТАРНИ ИЗБОРИ 2024?
Advertisement
Advertisement

Популарно изминативе 100 дена