Учениците од медицинско им мереа притисок и шеќер на градоначалникот и на вработените во Општина Гостивар

Средношколците од медицинското училиште во Гостивар, заедно со своите професори, денес беа во Општина Гостивар, каде спроведоа превентивни прегледи на вработените во администрацијата и на првиот човек на општината, Арбен Таравари. Младите медицинари им го исконтролираа крвниот притисок и им го измерија нивото на шеќер во крвта.

„Овие контроли се насочени кон рано откривање и спречување на ризикот од дијабетесот или крвниот притисок. Во знак на благодарност, како локална власт, им доделивме Благодарници за оваа многу благородна работа.“, соопшти преку фејсбук, градоначалникот.

Учениците во изминатиот период реализираа вакви активности со превентивни прегледи, низ основните и средни училишта во Гостивар.