Гостивар
Учениците во Гостивар ќе стекнуваат нови вештини и знаење во Ресурсниот центар ICan
Учениците од гостиварските училишта добиваат можност да се вклучат во современи обуки и тренинзи со кои ќе го надополнуваат знаењето и ќе ги подобруваат вештините за комуникација, организација и слично, во новиот младински ресурсен центар ICan во Гостивар.
Директорите наосновните и средни училиштата денес беа во посета на центарот, каде се организираше презентација на функционирањето и програмите во кои учениците може да се вклучат.
„Една од категориите кои ги опфаќа центарот се ученици до 18 години. За нив нудиме курсеви коишто ги нема во традицоналното образование, а се многу битни во времето во кое живееме, тоа се атрактивни курсеви со модерен пристап, со цел младите да се стекнат со тие меки вештини, кои се потребни за сите струки и активности“, појасни Азир Алиу, од ресурсниот центар.
Презентацијата на можностите на центарот беше иницирана и организирана од општинскиот Сектор за образование.
„Директорите се дојдени за да се информираат за сите можности на центарот, кои потоа ќе им ги пренесат на наставниците, професорите и учениците. Се работи за една новина во нашиот град и затоа сметавме дека е добро да се презентира, учениците да бидат информирани кои можности ги има овој центар“, рече Аслијан Снопче, раководител на Сектор за образование во Гостивар.
ICan е иновациски центар за обуки и едукации кои на младите треба да им помогнат за вработување и самовработување, со фокус на работните места на иднината. Освен за ученици, ресурсниот центар спроведува обуки за млади невработени до 29 години и бизнис секторот во полошко. Центарот беше отворен минатиот месец, а се наоѓа во објектот на некогашниот приватен колеџ.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk