Вести
Учениците од економско се вратија со корисни искуства и незаборавни спомени од Швајцарија
Група од 16 ученици со своите супервизори од средното економско училиште во Гостивар изминатиот период престојуваа во детското село Песталоци, Троген, Швајцарија во рамки на проект за интеркултурна размена. Младите економисти со големо задоволство раскажуваат за своите искуства, дружењето, стекнатото знаење и прошетките во Швајцарија. Велат дека обуките, работилниците и сите други активности во кои таму биле вклучени ќе им бидат од голема корист.
„Сите заедно станувавме во раните утрински часови и имавме мали активности за загревање. Потоа на курсевите дискутиравме на различни теми:антидискриминација, идентитет, правата на децата и слично. Правевме презентации преку кои ги изложувавме своите идеи и навистина беше многу интересно“, вели ученикот Стефан Ѓорѓиески.
Емилија Данилоска е Дете правобранител во училиштето и таа исто така била дел од интеркултурната размена. „Слободно време во текот на работната недела имавме од 17 до 22 часот. Го поминувавме најчесто во младинскиот клуб кој беше опремен со соба за музика, просторија за ликовна уметност, за релаксација, билијард и слично и ние имавме можност да ги покажеме нашите способности и таленти. Иато така на располагање имавме и целосно опремена спортска сала“, раскажа Емилија.
Престојот во Швајцарија како убаво искуство ќе го паметат и ученичките Мируше Идризи и Леонита Селмани. „Имавме прилика да стекеме нови пријателства и да научиме многу нешта кои понатаму ќе ни бидат од корист и ќе ги пренесуваме на нашите соученици“, вели Мируше.
Ученичката Михаела Михајлоска вели дека приликата да се посети детското село Песталоци во Швајцарија треба да се искористи: „Разгледавме и многу убави места и знаменитости. Мислам дека секој ученик кој има прилика треба да се пријави да учествува во проектот“.
Средното економско училиште го реализира проектот за детски права четири години по ред. „Целите се да се зајакнат и да се прошират знаењата и вештините на учениците за имплементирање и практикување на своите права во рамките на образованиот систем. Ние успешно ги спроведуваме активностите веќе четири години и многу сме задоволни од постигнатите резултати“, изјави директорката Јованка Огњаноска.
Младите економисти во Швајцарија го претставија Гостивар преку презентација на неговите традиции, мултикултура, карактеристичната храна и природните убавини.
Проектот е поддржан од Министерството за образование, Младинската коалиција СЕГА и Фондацијата Песталоци.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар