Училиштата и градинките може да се пријават за бесплатни прочистувачи на воздух

Основните и средни училишта, јавните градинки и факултетите може да аплицираат за поставување на бесплатни прочистувачи на воздух во нивните простории. Владата го објави Јавниот повик за доделување на прочистувачите на 13 август, а крајниот рок за пријавување е следниот петок (23 август). Средствата ќе се обезбедат од Програмата за намалување на аерозагадувањето.
Заинтересираните установи, освен барање треба да достават извештај за нивото на PM10 и PM2.5 честички во воздухот за месото во кое се наоѓаат како и податоци за нивните објекти со површина, вкупен број на простории, ученици и слично.

Документите се поднесуваат на адреса на Генералниот секретаријат на Владата.
Јавниот повик може да го најдете на следниот ЛИНК.