УЕФА ги одреди осминафиналните дуели во Лига Европа и Конференциската Лига

Со жрепка во седиштето на УЕФА во Нион попладнево беа одредени двојките за осминафиналето во второто по ранг европско клупско натпреваруње, Лига Европа.

Барселона за противник го доби Галатасарај, Црвена ѕвезда ќе игра против Глазгов Ренџерс, додека Порто за место во четвртфиналето ќе мора да го елиминира Лион.

Во преостанатите натпревари од осминафиналето ќе играат: Брага – Монако, Аталанта – Баер Леверкузен, Лајпциг – Спартак Москва, Бетис – Ајнтрахт Франкфурт и Севиља – Вест Хем.

УЕФА Конференциска Лига

Феенерод – Партизан и Лестер – Рен, се два од осумте осминафинални дуели во Лигата на конференции, кои беа одредени со жрепка попладнево во седиштето на УЕФА во Нион.

Во преостанатите шест осминафинални натпревари во рамки на третото по ранг европско клупско натпреварување ќе играат: Олимпик Марсеј – Базел, ПАОК – Гент, Витесе – Рома, ПСВ Ајндховен – Копенхаген, Славија Прага – Ласк и Бодо/Глимт – АЗ Алкмар.

Првите натпревари ќе се играат на 9 и 10 март, а реваншите се на програмата на 17 март.