УЈП продава запленети товарни и патнички возила

Управата за јавни приходи најави електронска јавна аукција и слободна комерцијална продажба на запленети предмети од даночни обврзници која ќе се спроведе во вторник (13-ти јуни).

На аукција се ставени државно градежно неизградено земјиште на неколку локации, како и патнички и товарни возила мерцедес од 1984-та, 1985-та и 1986-та година, шевролети,  ситроен, КИА и Лада нива по почетна цена од 1.000 до 1.500 евра. Највисока почетна цена е определена за товарно моторно мозило Волво и тоа од 10.800 илјади евра. Меѓу другите запленети работи кои ќе се продаваат се картонска амбалажа, машини, полиетиленско платно и друго.

За учество во електронската јавна аукција потребна е претходна регистрација и уплата на депозит од 10% од утврдената вредност.

.