УЈП со најнова листа на должници – Фирми и граѓани должат над 140 милиони евра на државата

Управата за јавни приходи ја објави нова листа на должници бр.07/2023 за долговите доспеани до 31.03.2023 и неплатени до 30.06.2023 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот долг е повисок од 120.000 денари за физички лица и самостојни вршители на дејност и повисок од 300.000 денари за правни лица.

На листата има 3.413 физички лица и 1.785 должници – правни лица и меѓу кои има и државни компании, но и звучни имиња на познати македонски бизнисмени и приватни компании. Вкупно објавениот нето долг во Листата бр.07/2023 изнесува 8.711.691.182 денари  или 141.653.515 евра.