Укината забраната за камиони преку Стража – Најмногу снег има во Лазарополе и во Маврово

Забраната за сообраќај за тешки товарни возила на патниот правец Гостивар – Кичево, преку планински превој Стража е укината во 9:45 часот. Забраната беше воведена утрово во 6 часот поради обилни врнежи од снег и снежни наноси.

Низ патиштата во земјава сообраќајот се одвива во зимски услови, по влажни коловози, поради што на возачите им се препорачува внимателно возење.

Што се однесува до висината на снежната покривка, најмногу снег наврнал во Лазарополе (71 сантиметар). Во Маврово, снежната покривка достигна до 64 см, додека во гостиварско Пожаране 41 см.