Украден автомобил паркиран на улица во Гостивар

Четириесет и деветгодишниот гостиварец Ќ.Л., вчера околу 15 часот во полиција пријавил дека во периодот помеѓу 13 и 14 часот, засега непознати сторители му го одзеле неговото патничко возило „Форд мондео“ со гостиварски регистерски таблици, кое претходно го паркирал на улица „Гаве Лазаревски“ во Гостивар, во близина на семејната куќа.

Во возилото се наоѓале повеќе лични документи, како и алатки. Имотната корист со која противправно се стекнале сторителите на оваа кражба се проценува на околу 90 илјади денари.

Полицијата соопшти дека се преземаат мерки и активности за откривање на сторителите и за пронаоѓање на одземеното возило.