Украински диверзатни извршија напад во областа Брјанск на руска територија

Група украински диверзанти денеска упадна на територијата на Русија во областа Брјанск, соопшти гувернерот Александар Богомаз.

Вооружени две групи од 40 до 60 луѓе, извршиле инвазија во областа Брјанск на границата со Украина. Тие, наводно, пукале во автомобил, при што убиле еден маж и раниле десетгодишно дете. Детето е префрлено во болница и му се пружа сета потребна помош, пренесува Спутник .

Официјален Киев не ги коментираше овие обвинувања, но ФСБ ги коментираше. „Руската Федерална служба за безбедност (ФСБ) и руските трупи спроведуваат мерки за елиминирање на вооружените украински милитанти кои ја преминале државната граница “, објави ФСБ.

Рускиот претседател Владимир Путин денеска кратко прокоментира за настаните во Брајанск и упадот на припадниците на рускиот волонтерски корпус.

„Ова што се случи денеска во областа Брјанск е терористички напад, отворија оган врз цивили иако видоа дека во автомобилот има деца.

Портпаролот на Кремљ, Дмитриј Песков изјави дека за утре е закажан состанок на Советот за безбедност на Руската Федерација.