Поврзи се со нас

Гостивар

Уметници цел ден творат покрај Вардар во Гостивар – изложбата на делата е вечерва

Петнаесетина уметници денешниот ден го посветуваат на создавање ликовни дела на отворено, покрај Кејот на Вардар, во Летниот Амфитеатар во Гостивар. Идејата е да се креира еден вид на отворено ателје и заинтересираните граѓани одблиску да можат да видат, како настануваат сликите од рацете на уметниците.

Проектот го реализира Здружението на ликовни уметници Драудакум.

„Овој арт перформанс може да го посетат сите, да погледнат како ние уметниците работиме. Тоа што ние обично го правиме во нашете ателје, сега го правиме во ова ателје на отворено“, рече Исмане Мегди од Драудакум.

На крај, делата коишто ќе се родат од креативноста на гостиварските уметници преку денот, ќе бидат изложени во Амфитеатарот. Изложбата е планирана за во 20 часот.

Проектот финансиски е поддржан од Министерството за култура.

Advertisement
Остави коментар

Напишете коментар

Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!