Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 28/12/2018

Уметници од Гостивар со своја изложба во Њујорк САД

Вчеравечер во просторите на македонскиот центар GALLERY MC во Њујорк, САД свечено беше отворена изложбата на дела од тројца гостиварски уметници: Арјан Руфати, Лавдрим Мемеди и Џезаир Реџепи.

Пред публиката во Америка, Лавдрим Мемеди се преставува со слики, Арјан Руфати со уметнинички фотографии, додека Џезаир Реџепи со слики, скулптури и видео арт. „Задоволство ни е што имаме можност да ги претставиме нашите дела во Њујорк и ова е едно вредно искуство за нас, како творци“, рекоа за Gostivarpress.mk уметниците.

Свеченото отворање на изложбата, која е дел од проектот ART & MUSIC PERFORMANCE, беше надополнето со музичка програма, која ја исполнија: Лаура Крлиу, Дешира Ахмети Крлиу, Аријан Крлиу, Елис Лоши и Диди Тежа.

Проектот е финансиран од страна Министерството за култура на Република Македонија и потпомогнат од општина Гостивар. Изложбата на гостиварските уметници во македонскиот центар во Њујорк, ќе биде отворена до 9 јануари 2019 година.

Оставете коментар

Вашата Емаил адреса нема да биде објавена.Задолжителните полиња се означени *

*