Култура
„Urban life“ на гостиварецот Радически донесе моменти од секојдневието уловени од објективот
Гостиварецот Александар Радически за прв пат се претставува со изложба на свои фотографии пред домашната публика. Вчеравечер во Центарот за култура АСНОМ во Гостивар беше отворена неговата самостојна изложба под наслов „Urban life“. Посетителите имаа можност да ги разгледаат фотографиите, 25 на број, создадени во Македонија и низ странски земји кои ги обединува темата на урбаното живеење.
„На фотографиите има моменти од секојдневието и се` она што не опкружува. Да бидам искрен, изборот кои фотографии да се најдат на изложбата беше тежок. Имам вкупно 1.650 фотографии, но благодарение на мојот ментор Осман Демири, на кого му се заблагодарувам многу, го направивме вистинскиот избор како и техничките подготовки“, изјави авторот.
Радически е роден 1986 година во Гостивар. Со фотографија се занимава скоро две децении и со своите фотографии учествувал на повеќе фестивали и групни изложби низ државата.
„Љубовта кон фотографијата се роди случајно. Налетав на интернет на страна со фотографии и ги анализирав, па се запрашав дали јас би можел да направам нешто такво и така почнав. Фотографијата стана мое хоби и голема пасија“, објасни Радически.
Изложбата „Urban life“ ќе биде отворена за посетители до 10 јули.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар