Уредување на дел од големиот парк во Гостивар и нови мини паркови во Дебреше и Чајле

Јавното претпријатие за паркинзи и зеленило во Гостивар најавува неколку поважни проекти коишто се планирани да се реализираат во текот на оваа година. Како најважни ги издвојуваат

„Капиталната инвестиција предвидена за 2022-ра година е уредување на десниот дел на големиот градски парк. Тука ќе се направат комплет нови патеки, ќе се постави лед осветлување, нови корпи за отпадоци, клупи и друга урбана опрема, а ќе има и одредени реквизити соодветни за лица со посебни потреби. Исто така, продолжуваме со разубавување на простори во руралните средини. Годинава предвидени се нови мини паркови во селата Дебреше и Чајле“, информира директорот на претпријатието, Беким Челебиу.

Периодов нивните екипи ќе бидат концентирани на пролетно уредување и одржување на зелените јавни површини низ целиот град.

Вкупниот буџет Јавното претпријатие за паркинзи и зеленило за оваа година е 22 милиони денари.