Уредување на градскиот парк во Гостивар – нови клупи, корпи за отпад, пешачки патеки…

Поволните временски услови во септември, Јавното претпријатие за паркинзи и зеленило во Гостивар ги искористи за доуредување на големиот градски парк, со ново зеленило, урбана опрема, пешачки патеки и слично.

„На одржувањето на паркот работиме редовно, а изминатиот период посветивме особено внимание за доопремување и подобри услови за граѓаните кои прават прошетки и се релаксираат во тој простор. Поставивме 48 нови клупи за седење,  48 корпи за отпадоци, го подобривме јавното осветлување, обезбедивме околу еден километар нови пешачки патеки. Исто така, монтиран е нов систем за наводнување, што е подземен и работи автоматски“, вели директорот на претпријатието, Беким Челебиу.

Освен во градскиот парк, екипи на зеленило работеа и на уредување на дворните површини во неколку гостиварски училишта, каде се поставија декоративни зелени катчиња.

Во меѓувреме, тече изградбата и на новиот модерен спортско-рекреативен центар покрај Вардар.