Уште 9 случаи на корона во Македонија, во Гостивар нема нов позитивен

До 12 часот денеска, во земјава регистрирани се 9 нови случаи на коронавирус, со што бројката на дијагностицирани пациенти со КОВИД-19 на државно ниво изнесува 85, информираше Министерството за здравство.

На интерактивната мапа за КОВИД-19 може да се види дека од вкупниот број на заболени 49 се од Скопје, 30 од Дебар, 2 од Штип, 2 од Кавадарци и по еден во Гостивар и Охрид. Ова значи дека до сега Гостивар останува со еден заболен пациент, којшто беше регистриран на 19 март.

„Состојбата на хоспитализираните пациенти Клиниката за инфективни болести и фебрилни состојби е непроменета во однос на вчера. Единствената пациентка која е на респираторна машина е во критична фаза, тројца се со форма на потешка пневмонија но во моментов се стабилни, а останатите пациенти се со полесна клиничка слика. Сите пациенти кои се на домашно лекување се во постојан контакт со лекарите од клиниката.“, соопшти Министерството за здравство.