Уште денес и утре искористување на парите од домашната платежна картичка

Утре (15 август) е последниот рок за користење на домашната платежна картичка која државата ја обезбеди за одредени категории граѓани, како една од антикризните мерки во ковид пандемијата. Парите од картичките може да се трошат уште денес и во текот на утрешниот ден.

Домашната платежна картичка важи за пазарување на домашни производи кај регистриран македонски производител (освен цигари и алкохол), за плаќање услуги од домашен давател на услуги или за купување на онлајн производи од домашната е-трговија.

Преку оваа мерка, социјалните категории граѓани и невработени со низок доход добија по 9.000 денари еднократна помош, вработени со минимални плати добија по 3.000 денари, исто како и средношколци со наполнети 16 години и студенти. Здравствените работници од службите вклучени во борбата против ковид-19 добија еднократна финансиска поддршка во висина на 40 % од износот на последната пресметана основна нето-плата.

Иако истекува рокот за трошење на прите, сепак, граѓаните не треба да ги фрлаат картичките, туку да ги сочуваат. Картичките се за повеќекратна употреба, и ќе се користат повторно доколку во иднина има нов сет на мерки.