Уште еден гостиварец наместо да седи во изолација, заминал во странство

Полицијата повторно регистрира случај на гостиварското подрачје, во кој лице со решение за задолжителна изолација заминало надвор од земјава.

Како што информира портпаролот на СВР, Марјан Јосифоски изминатото деноноќие, Државниот здравствен и санитарен инспекторат во Гостивар издадал 89 нови решенија за изолација. Контроли биле извршени на 341 лице со такво решение, при што е регистрирано едно прекршување. 47 годишен гостиварец кој имал решение за изолација, не бил затекнат во својот дом. Според информациите на полицијата тој отпатувал во странска земја.

Неодамна обвинителството поведе постапка против лице, кое требало да биде во домашна изолација во госиварско Равен, но отпатувало во Германија.