Успешен старт на македонската фудбалска репрезентација во новото издание на Лига на нации

И покрај не убедливата игра, со “пенал триумф“ македонската фудбалска репрезентација успешно го започна второто издание на Лигата на нации. Во невообичаен термин од 15:00 часот Мекедонија ја совлада репрезентацијата на Ерменија со 2:1.

По деветмесчната пауза на репрезентативниот фудбал избраниците на Игор Ангеловски не оставија силен впечаток. Но сепак, и покрај отсуството на Горан Пандев во стартните единаесет, уште во првото полувреме после двата оправдано досудени пенали врз Елиф Елмас, Езџан Алиоски во 5-та минута и Илија Нестотровски во 38-та ѝ донесоа сигурно водство на македонската репрезентација која успеа да го сочува сѐ до крајот на натпреварот. Во второто полувреме резултатот дозволи поголема иницијатива на ерменската репрезентација кој и покрај неколкуте шанси успеа само да го намали резултатот преку Тигран Барѕегјан на 2:1 во самиот финиш на натпреварот исто така од пенал.

Македонија во победничка атмосфера ќе одпатува за Грузија, со која на осми овој месец треба да го одигра и вториот дуел во втората група од Ц дивизијата од Лигата на нации во која уште се наоѓа и репрезентацијата на Естонија и со императив од две победи на стартот од ова натпреварување да го дочека дуелот со репрезентацијата на Косово во октомври годинава, кој треба да ни го трасира патот за претстојното Европско фудбалско првенство.