Поврзи се со нас

Култура

Успешен велигденски концерт на ГАКУД „Браќа Ѓиноски“

 

Во преполната сала на Центарот за култура „АСНОМ“ , градското културно аматерско уметничко друштво „Браќа Ѓиноски“ го одржа годинешниот велигденски концерт. Традиционално, чуварите на македонскиот фолклор и обичаи, по повод големиот христијански празник Велигден, се претставија пред домашната публика. Играорците, оркестарот и  солистите не се штедеа на сцената и со своите изведби ги стоплија срцата на љубителите на фолклорот и македонската народна песна.

Фолклорните групи изведоа традиционални ора и сплетови: Водарки, Тресеница, Повардарие, Беранче и други, додека пејачот Перо Пандиловски се претстави со неколку  македонски народни песни.

ГАКУД „Браќа Ѓиноски“ е едно од најстарите културно-уметнички друштва во Македонија и е целосно посветено на негувањето на македонскиот фолклор и традиција. Опстојува 67 години и има остварено околу 700 концерти во земјава, гостувања во странство и учества на фестивали и манифестации.

По успешниот велигденски концерт во Гостивар, друштвото во понеделник (17 април) патува за Македонски Брод каде ќе настапи на свеченост исто така посветена на Велигден.

 

Advertisement
Advertisement
Advertisement
Advertisement
Advertisement

Популарно

error: Содржината е сопственост на Gostivarpess.mk!