Гостивар
Успешната приказна на Граѓанскиот Универзитет во Гостивар продолжува – современи услови, искусен кадар, светски признати сертификати…
Граѓанскиот универзитет за доживотно учење во Гостивар и годинава ја продолжува успешната приказна на едукација, надградување и усовршување на знаењата. Универзитетот ги отвори вратите за упис, а вчера организираше Отворен ден за учениците и возрасните заинтересирани да се запознаат и детално да се информираат за можностите коишто ги нуди установата за формално и неформално образование на деца и возрасни.
Современите услови, професионалноста и стручниот, искусен наставен кадар се адути на ОГУДУ Гостивар, што му даваат предност пред другите.
Универзитетот продолжува со организирање на курсевите по странски јазици: англиски, германски, француски и италијански, македонски – албански – турски за учесници на кои не им е мајчин јазик, како и со спроведување на подготвителните часови по математика.
„Новата учебна година, како и секогаш ја стартуваме подготвени да го пружиме максимумот за нашите слушатели. Ги имаме курсевите за странски јазици, со особено внимание и акцент на германскиот јазик, со оглед дека станува се` попопуларен и е најизучуван јазик. Спроведуваме четири програми верификувани од Центарот за образование на возрасни и од Министерството за образование: фризер за мажи и жени, поставувач на гипс картон, слаткар и шивач. Да напоменеме дека група фризери коишто ја поминаа успешно програмата кај нас минатата учебна година, се наоѓаат тримесечна обука, по што ќе полагаат испит и ќе се стекнат со верификуван светски признат сертификат. Она што ние го нудиме е настава и обука во современи услови, модерни нагледни средства, електронски табли, искусен наставен кадар, со еден збор – квалитетна настава по европски стандарди. Ги покануваме сите кои се заинтересирани да не посетат“, рече Билјана Дабеска, стручен соработник во Универзитетот, кој е единствена верификувана установа од ваков вид во Гостивар.
Покрај стандардните програми и курсеви, планирано е да бидат воведени и дополнителни: за ракувачи со градежни машини, бравари и заварувачи.
Минатата учебна година, Универзитетот ја заокружи со бројка од над 500 слушатели. Уписите траат до 16-ти септември, по што ќе се започне со формирање на гупите и одржување на наставата.
Отворениот граѓански универзитет за доживотно учење Гостивар, се наоѓа во просториите на поранешен „пионерски дом“ во градскиот парк.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар