Утре „Ден без автомобили“ во Гостивар – улиците во централното подрачје ќе бидат затворени

Општина Гостивар во соработка со Полициската станица и невладини организации, утре (понеделник) организира “Ден без автомобили”.

Во периодот од 12 до 15 часот улиците во централното градско подрачје ќе бидат затворени за сообраќај. Конкретно се работи за:

– ул. “ЈНА” (Дебарска) од центарот до пресекот со булеварот „Браќа Ѓиноски“

– ул. „Илинденска“ (поранешна Борис Кидрич) од центарот до раскрсницата со булеварот „Гоце Делчев“ (Сити центар), и

– ул. „М.Ч. Филипоски“ од Витамин Ага до раскрсницата со ул. „Борче Јованоски“

Од локалната самоуправа информираат дека настанот се организира на иницијатива на градоначалникот Арбен Таравари, а со цел подигање на свеста на граѓаните за намалување на загадувањето на воздухот.

„Ги молиме граѓаните за разбирање и ги покануваме да станат дел од оваа сензибилизирачка активност со одбегнување на користење на моторни возила без поголема потреба, особено на овој ден, но и воопшто.“, се вели во општинското соопштение.

Сообраќајот, при реалиција на „Ден без автомобили“ ќе го обезбедува Полициската станица – Гостивар.