Утре полицијата ќе спроведе маратонска контрола на брзината на возење!

Сообраќајната полиција, во текот на неделава, во рамки на меѓународната организација TISPOL-мрежа на сообраќајната полиција, ќе спроведе акција на засилена контрола на брзината на движењето на возилата.

Активностите ќе се спроведуваат во сите држави кои соработуваат во рамки на TISPOL со 28 земји членки на ЕУ, меѓу кои и Швајцарија, Норвешка и Србија.

Во  среда на 19 април, ќе биде спроведена и акцијата „Speed Marathon“, каде брзината ќе се мери 24 часа непрекинато со рачни радари, радари во системите на видео надзорот и уредите за мерење на брзината на возилата без обележја на полицијата – пресретнувачи.

Секој контролиран возач ќе биде алкотестиран, додека сообраќајната полиција, исто така за време на запирањето на секое моторно возило кое ќе ја надмине дозволената брзина на движење, ќе му изврши контрола и на користењето на појасите за врзување како на возачот така и на патниците, на начинот на кој предвидел производителот на возилото.

Според истражувањето кое го објави Европскиот совет за безбедност на сообраќајот, зголемената брзина на движење на патиштата за само 5 отсто, доведува до зголемување на бројот на сообраќајни незгоди со смртен исход за повеќе од 20%.

Според истото истражување, користењето на безбедносните појаси го намалува ризикот од смртно настрадување во сообраќајните незгоди за околу 50 отсто.