Утре во Гостивар концертно уживање – „Шопенова вечер“

Во Центарот за култура „АСНОМ“ во Гостивар утревечер (5 септември), ќе се одржи концерт на пијанистот Глигор Гелебешев. На програмата се валцери, мазурки, ноктурно, балади и полонеза од музичкиот великан Фредерик Шопен. Концертот, наречен „Шопенова вечер“ е закажан со почеток од 19.30 часот, а влезот е бесплатен

Глигор Гелебешев завршил Академија на уметности во Нови Сад, а магистрирал на Факултетот за музичка уметност во Скопје. Работи како професор по пијано во Државниот музичко-балетски училишен центар „Илија Николовски-Луј“ во Скопје. Освен во Македонија, имал настапи во Франција, Холандија, Србија, САД, Турција, Бугарија и други земји. Добитник е на наградата Златна Лира, што ја доделува Сојузот на музички уметници на Македонија.

Концертот во Гостивар почнува во 19.30 часот.