Утре во Гостивар можни прекини на водата и намален притисок поради пуштање во употреба на нов резервоар

Ј.П. „Комуналец“ Гостивар соопшти дека утре (08.02.2024) ќе се стави во употреба нов резервоар за вода во Здуње, поради што можно е да има прекини во водоснабдувањето и намален притисок во градот и околните места приклучени на водоводната мрежа што ја управува.

„Ги известуваме граѓаните дека утре (08.02.2024) поради пуштање во употреба на новиот резервоар во село Здуње можно е да има намалување на притисокот на водата или привремен прекин на водоснабдувањето во текот на денот и за тоа бараме разбирањето на граѓаните. Овој резервоар, изграден со финансиска поддршка на Швајцарскиот секретаријат за економска поддршка – СЕКО, како еден од многуте проекти на Ј.П.„Комуналец“ за подобрување и модернизација на инфраструктурата на водоводната и канализациската мрежа во Гостивар, ќе биде решение за постигнување на оптимален притисок во водоснабдувањето на граѓаните во текот на целата година.“, стои во соопѓтението.