Утре во Гостивар промоција на новата книга од новинарот Кипроски – Поглед низ времето

Новото дело на новинарот и публицист од Гостивар, Киро Кипроски, насловена како „Поглед низ времето“ утре (24 октомври) ќе ја доживее својата промоција. Настанот ќе се одржи во ресторан „Сајгија“ со почеток во 13 часот, а како промотори се најавени: проф. д-р Светлана Велјановска и новинарот и писател Блаже Миневски. Музичкиот дел од промоцијата ќе го пополни Трио Кладенец, додека водител ќе биде актерот Стојче Нешкоски.

„Поглед низ времето“ е монографија со новинарски записи, репортажи, човечки стории и фотографии од над 50 годишното новинарско искуство на Кипроски. Најголемиот дел од текстовите се врзани со поширокиот гостиварски регион, а најстариот датира од 1968 година.