Утре втор круг од изборите – денес во Гостивар гласаат 123 болни

Утре се одржува вториот круг од Локалните избори во кој граѓаните го избираат идниот градоначалник. Според податоците од Општинската изборна комисија во општина Гостивар има вкупно 79.632 гласачи кои можат да го остварат своето право на глас во 121 избирачко место. Од Општинската изборна комисија информираа дека се е подготвено за спроведување на изборниот процес. Во текот на денешниот ден гласаат 123 болни и немоќни и едно лице кое е во домашен притвор.

Во вториот круг во општина Врапчиште, на ден пред изборите ќе гласаат 45 лица, кои се заради болест и изнемоштеност се пријавиле во општинската изборна комисија. Во оваа полошка општина, право на глас имаат 25.371 лица. Изборниот процес ќе се изведува на 39 избирачки места.

Предизборниот молк кој почна синоќа на полноќ трае до затворање на избирачките места, односно до утре во 19 часот.