Поврзи се со нас

Култура

Утревечер во Гостивар изложба на уметниците Чатмов и Перовски

Објавено

на

Љубителите на ликовната уметност во Гостивар утревечер (9 декември) ќе имаат можност да присуствуваат на отворањето на изложбата на дела од уметниците Трајче Чатмов и Спасе Перовски. Изложбата е насловена „Од спознанието до…“.

„Ако според филозофијата и психологијата спознанието или когнитивност е процес на одразување на стварноста на човекот кое вклучува повеќе процеси кое во психологијата се однесува на психолошките финкции на индивидуата, а во социјалната психологија општественото спознание се однесува на групата. Изложбата на која се претставени Трајче Чатмов и Спасе Перовски носи наслов „Од спознанието до…“, при што трите точки на крајот тенденциозно оставаат просторот за различни исчитувања, како што се различни сензибилитетите и авторскиот ракопис на двајцата уметници. Спасе Перовски издвојува фрагменти од животот, ги сецира на рамниште на микроуниверзуми со аморфни, накај кружни до строго геометриски форми и ги претставува во најчесто смирен земјен тоналитет (со контрасти на сина) врз монохромна позадина, до фрагменти на актови и фигурација. Сликите на Трајче Чатмов, пак, изобилуваат со сложени композиции со експресивна динамика и нагласен колорит во вриеж од разнобојни линии кои ја дефинираат формата на фигурите и нарацијата која се движи од интимни моменти до митолошки и религиозни сцени. Впрочем, од формално гледиште, веројатно единствената нитка која ги поврзува двајцата уметници и пријатели веројатно е (с)познанието односно познавањето од најрана возраст, при што секој е засебен и различен еден од друг во креативните процеси според Аристотеловата изрека „Спознанието на себе си е почеток на сета мудрост“, пишува во каталогот Маја Чанкуловска-Михајловска.

Сликите на Чатмов се работени во техника акрил на платно, додека Перовски користи комбинирана техника.

Отворањето на изложбата, која се организира со поддршка на Општина Гостивар, е со почеток во 19 часот во малата сала на Центарот за култура АСНОМ – Гостивар.

 

Сподели ја веста:
Прочитај повеќе
Advertisement
Advertisement
Advertisement

Огласи за вработување:

Гостиварпред 4 дена

Света архијерејска Василиева литургија во Гостивар со гости од Србија и чин на ракоположување

Гостиварпред 2 недели

Со љубов и почит кон корените – „Танец“ одржа концерт во Гостивар

Гостиварпред 2 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 3 месеци

Ангелчињата во Гостивар го најавија Христовото раѓање-Бадникова поворка 2024

Спортпред 4 месеци

По првиот круг од сезоната КК Гостивар „виси“ на 8-та позиција на табелата

Спортпред 4 месеци

Кехинде од пенал му пресуди на Македонија Ѓорче Петров 1-0

Гостиварпред 7 месеци

Стефановски: Гостивар одличен како домаќин и публика, благодариме од срце!

Спортпред 7 месеци

ФК Гостивар загуби на домашен терен од Силекс 1-2

Гостиварпред 8 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

АНКЕТА:

Дали ќе гласате на претстојните ПРЕТСЕДАТЕЛСКИ и ПАРЛАМЕНТАРНИ ИЗБОРИ 2024?
Advertisement
Advertisement

Популарно изминативе 100 дена