Утревечер во Гостивар премиера на претставата „Празен град“

Во Центарот за култура во Гостивар утре (28 јуни) премиерно ќе биде прикажана претставата „Празен град“ на албански јазик, од Дејан Дуковски, во режија на Андреј Цветановски.

„Се работи за претстава која ги прикажува животите на двајца млади луѓе, заробени во подрумот на животот. Не можејќи да излезат надвор, се забавуваат со работите што ги опкружуваат, а често се поставува прашањето: како да се исполни животот за да не ја чувствуваме празнината во која живееме, која ги поробува и заведува младите, како да го преживееме периодот на младоста, каде е изгубена нашата генерација, зошто не ни дава сигнали да живееме во хармонија и среќа, туку не удира со најнесаканото, несреќа што ние ја сакаме или не мора да ја прифатиме! Претставата се игра во импровизирана подрумска средина со остатоци што може да се импровизираат од отпадна хартија или нешто друго, што е всушност светскиот подрум“, велат од Здружението Фишта, продуценти на претставата, поддржана од Центарот за култура – Гостивар и Министерството за култура.

Улогите ги играат Арѓенд Хасани и Берат Салиу. Музиката и осветлувањето се на Хајдар Хајдари.

Премиерата е закажана со почеток во 20 часот.