Гостивар
Вакцинацијата во Гостивар паузира за продолжениот викенд, до сега аплицирани речиси 2.000 вакцини
Во текот на продолжениот празничен викенд што е пред нас, имунизација против коронавирус во Здравствениот дом во Гостивар нема да има. Со вакцинирање на населението ќе се продолжи од вторник, со динамика која зависи од насоките од Министерството за здравство и количините на вакцини кои се доставуваат. Вакцинацијата на пунктот во Здравствен дом во Гостивар започна на 2 април и до сега се аплицирани скоро 2.000 дози.
„Вакцинацијата се одвива одлично, интересот кај граѓаните расте. Веќе почнавме и со ревакцина, особено кај оние лица кои примија од вакцината на Фајзер. Претходно имавме термини и во сабота, но овојпат за продолжениот викенд нема да се врши вакцинација, а ќе продолжиме од вторник. Возрасната граница за вакцинација се спушта, но сепак акцентот и понатаму е ставен на имунизација на постарите граѓани.“, информира д-р Дафина Богданоска од Здравствен дом Гостивар.
Во овој пункт до сега се даваа вакцини од Астра Зенека, Фајзер и Синофарм од кој производител се очекува да пристигнат и дополнителни дози.
Во Здравстениот дом во Гостивар за вакцинација се случува да доаѓаат и граѓани кои добиле термини за во Тетово, лекарите појаснуваат дека пунктот и термините мора да се испочитуваат. „Ние сме сепак помал пункт и не сме во можност да вакцинираме повеќе од планираното. Имавме ден кога се работеше од 8 наутро до 20 часот навечер, и беа аплицирани 240 вакцини, тоа е максимумот.“, вели д-р Богданоска.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар