Гостивар
Вандализам во големиот парк во Гостивар, секое утро корпите за отпад срушени на земја
Несовесни граѓани во последните неколку дена по ред ги демолираат корпите за отпад во големиот градски парк во Гостивар. Одговорните за одржување на паркот апелираат вандализмот да престане, а како превентивна мерка планираат да постават видео надзор.
Работниците од јавното претпријатие за паркинзи и зеленило, велат дека наутро наоѓаат искорнети и расфрлени корпи, иако истите се бетонирани и зацврстени со метален држач, што значи дека се употребува поголема сила за да се турнат долу. Таква била глетката секое утро во претходните неколку дена, во горниот дел од паркот, што е близу до стадионот.
Повеќе корпи за ѓубре биле турнати на земја, а некои и запалени.
„Секое утро вработените наоѓаат демолирани корпи, ги враќаат на место, ги санираат, но потоа истото се повторува. На претпријатието му се нанесуваат големи штети со ваквиот несовесен чин. Апелираме вандализмот да престане. Таа урбана опрема е купена со парите на граѓаните и не смее да се уништува. Пријавивме во полиција и разгледуваме опција да се постават камери, некако да делуваме да се спречи ваквото дивеење.“, рече Беќим Челебиу, директор на ЈП за паркинг и зеленило.
Наместо да се чува и ужива во просторот што е уреден како место за релаксација, прошетка и одмор на гостиварци, поединци се однесуваат деструктивно. Инаку, со последната акција на претпријатието, во големиот парк беа поставени 42 клупи, и до секоја од нив има корпа за отпад.
Кој и зошто ги уништува јавите добра, тешко е да се утврди. Одговорните за одржување на паркот се надеваат дека совеста ќе проработи и овој проблем ќе стане минато.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар