Варено вино за совршена атмосфера

Викендот е совршено време да се опуштите, одморите и уживате со добар филм, книга или слично. Додадете на тоа и некој колач и топол напиток и уживањето ќе биде комплетно.

А има ли нешто подобро од мирисно, вкусно и слатко греано вино, посебно кога деновите се студени, мрачни и магловити?

Најдобро од се’ е тоа што лесно и брзо се подготвува, а не ви е потребно скапо и кваллитетно вино за да уживате во богатството на вкусот.

Придобивките од вареното вино се и тоа што ќе замириса домот на каранфилче и цимет, како и на портокал, го зајакнува вашиот имунитет, па доколку сакате да уживате во овој зимски напиток (немојте да претерувате), еве како да го подготвите.

Состојки:

• 1L вино
• 2 портокали
• јаболко
• каранфилче
• цимет
• анасон
• бибер во зрно
• мед или шеќер
• бренди или коњак, доколку сакате да го засилите вкусот

Подготовка:
Во поголем сад истурете го виното, додадете половина од количината вода, а потоа убаво измијте ги портокалите и јаболкото, исечете ги на резанки, па ставете ги во виното.

Додадете го каранфилчето, две-три зрна бибер (го засилува вкусот), циметот (може и мелен, но подобро е во стапче за да не го прецедувате виното), анасонот и медот или шеќерот. Најдобро е да го пробате виното кога ќе се загрее, бидејќи така најдобро ќе процените дали е доволно слатко.

Варете го на средно силна температура, а пред да зоврие, намалете ја температурата, поклопете го тенџерето и оставете го да се вари уште петнаесеттина минути.

После тоа, виното е подготвено.