Вчера во Гостивар казнети 87 лица за неносење маски и 3 угостители за непочитување протоколи

Во текот на изминатото деноноќие, според статистиката на Секторот за внатрешни работи Тетово за неносење заштитни маски биле изготвени прекршочни платни налози, на вкупно 173 лица (Тетово-86 и Гостивар-87) СВР соопшти дека во содејство со Државниот пазарен инспекторат вкупно контролирани биле 78 угостителски објекти (Тетово-18 и Гостивар-60), при што кај 3 објекти во Гостивар биле утврдени одредени неправилности и непочитување на владините одлуки и протоколи.

Во истиот период нема нови решенија за изолација од Државен санитарен и здравствен инспекторат, додека вкупно биле контролирани 207 лица со вакви решенија (Тетово-182 и Гостивар-25). Изјави за самоизолација потпишале вкупно 7 лица на гостиварското подрачје, а контролирани биле 75 лица со потпишани изјави за самоизолација (Тетово-35 и Гостивар-40).