Занимливости
Ве фаќа ли страв кога треба да си легнете во кревет?
Стравот од легнување во кревет се нарекува клинофобија. Оваа фобија е многу ретка појава, но на тие што патат од неа им се манифестира интензивно. Обично се свесни дека нивниот страв е ирационален, но не можат да ги контролираат психолошките и физиолошките реакции кои се јавуваат во нивниот организам, како одговор на стравот.
Тешко е да се одреди која е причината за појава на клинофобија кај некоја личност. Најчесто тоа е поврзано со некое трауматично искуство, кое асоцира на легнувањето во кревет. На пример дете кое имало проблем со ноќно мокрење, подоцна во животот може да развие клинофобија. Истото важи и за личност, која честопати сонувала кошмари. Оваа фобија може да се појави и кај луѓе кои страдаат од хронична несоница и со самото тоа што помислуваат дека треба да легнат во кревет, а нема да заспијат се вознемируваат до степен да не можат да се контролираат.
Симптомите се: нервоза, вознемиреност, напади на паника, мачнина, вртоглавици, тремор, тахикардија, сушење на устата и други.
Најважното нешто за справување со клинофобија е да се изнајде начин за опуштање. Тоа се прави со најразлични техники, како длабоко дишење, слушање релаксирачка музика, читање инспиративни книги, задолжителни прошетки на отворено во текот на денот и други. Исто така помага доколку си создадете рутина во легнувањето, односно соодветна светлина и хармонични бои во собата кадешто спиете и одење во кревет секоја вечер во истото време.
Инаку, рекордот за непроспиени ноќи е на Ренди Гарднер од САД, кој успеал да остане буден цели 264 часа, но не поради страв од легнување во кревет, туку за научни истражувања. Рекордот е поставен во 1964 година, кога Ренди имал 17 години.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 1 месец
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар