Вечерва на полноќ настапува предизборен молк

Вечерва на полноќ завршува кампањата за предвремените Парламентарни избори 2020.  Настапува предизборен молк, кој ќе трае се до 21 часот на главниот ден на гласањето, 15-ти јули. За време на молк, забрането е водење кампања, медиумите не смеат да објавуваат информации за партиски активности, изјави, средби на учесници во изборите, а не е дозволено ниту објавување на политички маркетинг.

Гласањето на Парламентарни избори ќе се спроведува три дена. Утре (13 јули) ќе гласаат лицата кои се ковид позитивни во домашен карантин и лицата кои се во изолација, а се пријавиле за остварување на правото на глас. Следниот ден, на 14 јули ќе гласаат немоќните и болните лица, како и затвореници, лица во домашен притвор кои согласно Изборниот законик гласаат еден ден пред одржувањето на изборите. Главен ден на избори е 15 јули, кога гласањето пак ќе биде продолжено за два часа и ќе трае од 7 до 21 часот.