Вечерва свечено отворање на ликовната колонија во Гостивар

Четириесетина уметници ќе творат во рамки на годинешното издание на Ликовната колонија во Гостивар, која традиционално ја организира Здружението за ликовни уметности „Драудакум“.  Свеченото отворање е најавено за вечерва, а колонијата ќе трае до 30 август.

На листата на учесници се наоѓаат ликовни уметници од Македонија, како и од повеќе странски земји: Украина, Косово, Албанија, Бугарија, САД, Турција. Како специјален гостин е најавен Омер Калеши, истакнат сликар по потекло од кичевско, кој живее и твори во Франција.

Авторите ќе се инспирираат и ќе творат во гостиварскиот регион, а колонијата како и секоја година ќе биде крунисана со заедничка изложба на создадените уметнички дела на 29 август, во Центарот за култура.

Ликовната колонија во Гостивар годинава се одржува по 13 пат.