Лекот би требало да спречи лице кое било изложено на корона вирусот да ја развие болеста предизвикана од него, а имунитетот може да трае помеѓу шест и 12 месеци, пренесува Гардијан.
Новиот лек треба да обезбеди брз развој на имунитет на ковид-19 и да се користи како итна терапија кај болнички пациенти и во домови за стари лица. Лекот би бил погоден и за употреба кај членовите на семејството каде еден член е заразен со корона вирус, со цел да се спречат другите да се разболат, но исто така и кај учениците.
Тимот научници се надева дека тестовите ќе покажат дека лекот ефикасно обезбедува заштита од ковид-19 помеѓу 6 и 12 месеци. Лекот треба да се зема осум дена по изложувањето на вирусот. Се смета дека лекот може да биде достапен во март или април, доколку се одобри за употреба по анализа на резултатите од тестот.
Научниците тврдат дека новиот лек може значително да ја намали смртноста од последиците на ковид-19.
Лекот содржи комбинација на моноклонални антитела наречени AZD7442, кои се произведуваат во лабораторија.