Верижен судар на возила на патот Кичево-Гостивар

Четири лица биле повредени во сообраќајка што се случила вчеравечер околу 20 часот на магистралниот пат Кичево-Гостивар, кај селото Колари.

МВР извести дека во несреќата учествувале патничките автомобили „Фолсфаген Буба“ со кичевски регистарски ознаки, управувана од А.Ч.С.(32) од Кичево, „Сеат“ со скопски регистарски ознаки, управуван од Г.Н.(37) од Скопје, „Ламборџини“ со скопски регистарски ознаки, управуван од Д.Ш.(24) од Скопје и „Киа“ со скопски регистарски ознаки, управуван од П.П.(23) од Скопје.

Притоа, А.Ч.С. се здобила со тешки телесни повреди и е пренесена во Ургентен центар во Скопје, додека со телесни повреди се здобиле Д.Ш. и Б.С. (31) – возач и сопатникот во возилото „Ламборџини“  како и П.П. возачот на возилото „Киа“.  На местото на незгодата, извршен е увид.