Верските служби и молитвите за празниците да бидат во дворовите на црквите и џамиите

Комисијата за заразни болести за претстојните верски празници Велигден и Рамазан Бајрам предлага да нема ограничувања во движењето на граѓаните, но надлежните најавија дека верските служби и молитви ќе треба да се организираат на отворено, за да се избегнат групирања.

„Верските лидери на состанокот минатата недела земаа обврска се‘ што може од црковните служби и молитвите да ги организираат надвор од верските објекти. Самите се свесни дека ова е ситуација во која сите мора да сме исклучително внимателни. Таков начин на организација комбинирана со одговорност на граѓаните ќе не доведе во ситуација да нема прекршување на мерките. Сите со сопствената одговорност, да покажеме дека можеме функционираме и во присуство на вирусот.“, изјави министерот за здравство, Венко Филипче.

И покрај тоа што нема да има полициски час за празниците, угостителските објекти ќе треба да затворат до 20 најдоцна 20.30 часот.

Во однос на полицискиот час за останатите денови, комисијата предлага да биде  од 21 часот навечер до 5 часот, а угостителските објекти да може да работат само на летните тераси.