Гостивар
Весели, разиграни дечиња на приредбата „Збогум градинке“ во Гостивар
Дечињата од големите групи од гостиварските градинки денес се збогуваа со градинката, традиционално со завршна приредба. Насмеани, разиграни, полни со возбуда со игри и песни, под закрила на учителките, создадоа весела атмосфера пред своите родители и роднини, во летниот Амфитеатар покрај Вардар. Приредбата симболично се одржа на 1-ви јуни, датум кој се одбележува како Меѓународен ден на детето.
Оваа година од градинките кои се во склоп на Јавната установа „Детска радост“ во Гостивар излегуваат 235 деца, идни првачиња.
„Го избравме овој ден за нашата завршна традиционална приредба за дечињата од големите групи, кои ќе ги испратиме во основните училишта како идни првачиња. Збогум градинке ќе кажат 235 дечиња, на кои им посакувам многу успех во понатамошното образование“, рече Даниела Бошкоска, директорка на градинките додавајќи дека континуирано се работи на подобрување на условите во објектите и проширување на капацитетите.
„Во мојата програма како директор се зацртани цели и планови коишто ќе овозможат подобрување на условите за дечињата во градинките и условите за работа на вработените. Во склоп на Развојната програма на Општина Гостивар и Министерството за труд и социјална политика ќе овозможиме проширување на капацитетите, еден таков проект е веќе во тек, за нови четири занимални. Ќе правиме се‘ за да се намалат листите на чекање. Децата се нашата иднина и треба да вложуваме во нив.“, истакна Бошкоска.
Од приредбата преку своите изведби дечињата испратија исрекни пораки за среќно детство, за мир и радости во целиот свет како и за успеси во училишните клупи.
-
Гостиварпред 4 недели
Курсна листа на НБРМ и приватните менувачници во Гостивар
-
Македонијапред 5 дена
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 дена
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
Видео емисиипред 3 месеци
Емисија „МИНУТИ ЗА СЕКОГО“ – Гостин: Благица Димитровска | ПРОБЛЕМИТЕ И МАКИТЕ НА ЛИЦАТА СО ПОПРЕЧЕНОСТ