„Вешта жена 2023“ во Гостивар во знакот на љубовта!

Во Гостивар вечерва по 11-ти пат се одржува манифестацијата „Вешта жена“, настан кој спојува кулинарство, креативност, дружење, забава, заедништво. Натпреварувачките се претставуваат со оригинални трпези со предјадење, главно јадење и десерт и ги декорираат на уникатен начин. Оваа година организаторките решија настанот да биде посветен на љубовта.

„Главната поента годинава ни е да ја потенцираме важоста на љубовта, значи ставаме  голем акцент на љубовта. Некако како да ја изгубивме смислата на живеењето, во однос на тоа што им е потребно на луѓето, но сфативме и со пандемијата и после тоа, дека не е се‘ само во парите, туку мора да има љубов. Сите овие натпреварувачки со своите маси докажуваат дека за се‘ треба љубов. Се‘ е со едно такво големо внимание, за воодушевување“, истакна Снежана Стојановска-Жана, претседателка на здружението Вешта жена.

Мира Србиноска, организаторка на Вешта жена во Гостивар изрази големо задоволство од интересот на гостиварки да учествуваат и да ги покажат своите вештини и умеење за подготовка на специјалитети и декорации.

„Интересот е многу голем, секоја година гледаме дека имаме нови натпреварувачки кои сами се пријавуваат за учество, што значи гостиварки го сакаат готвењето и се многу креативни. Идеите си ги осмислуваат самите и навистина може да се оцени дека се на едно високо ниво“, рече Србиноска.

Во натпреварувачки дел за Вешта жена на Гостивар 2023 учествуваат:

Илирида Абази со трпеза „Љубовта на Шрек и Фиона“

Јулијана Златаноста со трпеза „Жена посилна од камен, понежна од цвет“

Билјана Максимоска со трпеза „Ден на љубовта, Св.Валентајн“

Марица Наумовска со трпеза „Св.Трифун, заштитник на грозјето и виното“

Во категорија Гран при учествува Елизабета Питулкова со трпеза „Танго“

Победничката на општинското натпреварување ќе го претставува Гостивар на Републичка Вешта жена 2023.