„Вешта жена“ во Гостивар по петти пат

Пет креативни и вредни гостиварки се натпревараат за титулата „Вешта жена“ на Гостивар за 2017-та година. Манифестацијата се одржува вечерва, а секоја од натпреварувачките има подготвено трпеза со јадења, торта и декорација на одредена тема.

Билјана Дејаноска се претставува со маса под името „Македонско-италијанска соработка“ , Сашка Секулоска ја посвети својата трпеза на славениците со дводецениски брачен јубилеј, младата Емилија Србиноска преку храната што ја подготви го слави Рокенролот, Лулјета Селмани ја нарече својата маса „Пролетна фантазија“ и Моника Ѓорѓевиќ од трпезата создаде „Свадбена бајка“.

Настанот, кој во Гостивар се случува по петти пат, го организира здружението „Вешта жена“.